Maamulka Culumaa’udiinka Ahlu Sunna Waljamaaca ee bartamaha Soomaaliya ayaa waxa ay fareen wariyayaasha ku sugan dhulka ay maamulaan in ay in ay isku soo diiwaan geliyaan mudo 3-maalmood ah .

Shir jaraa’iid oo uu maanta bartamaha dalka Soomaaliya ku qabtay qadka taleefoonka madaxa Warfaafinta maamulka Culumaa’udiinka Ahlu Sunna Waljamaaca Sheekh C/laahi Afhayeen Sheekh Cabdullaahi Al Qaadi ayaa waxa uu shaaciyey in maamulka Ahlu Sunna wal jamaca ay farayaan saxafiyiinta ka hawl gala degaannadaas in ay isku soo diiwaan geliyaan waqtiga loo qabtay.

Afhayeenka Ahlu sunna wal jamaca Sheekh Qaaddi ayaa Waxa uu sheegay in laga bilaabo 2-da bishan ilaa iyo 5-ta inta u dhaxeysa laga doonayo in ay isku soo diiwaan galiyaan dhamaan Saxafiyiinta ka howlgala deegaanada ay gacanta ku hayaan maamulka Culumaa’udiinka Ahlu Sunna wal jamaca.